ശരീരത്തിലെ കലോറികളെ ബേണ്‍ ചെയ്യാനും അത് വഴി ശരീരത്തിന് ഫിറ്റ്‌നസ് പ്രദാനം ചെയ്യാനും ഇതിലൂടെ സാധിക്കുന്നു. 450 മില്ലി ലിറ്റര്‍ രക്തം ദാനം ചെയ്യുമ്പോള്‍ സ്വീകര്‍ത്താവിന്റെ ശരീരത്തില്‍ നിന്നും 650 കലോറിയാണ് നീക്കം ചെയ്യപ്പെടുന്നത്. രക്തദാനം നടത്തുന്നത് വഴി ദാതാവില്‍ പുതിയ രക്താണുക്കള്‍ രൂപപ്പെടുന്നു. രക്തദാനം കഴിഞ്ഞ് 48 മണിക്കൂറിനുള്ളില്‍ പുതിയ രക്തകോശങ്ങള്‍ ഉത്പാദിപ്പിക്കപ്പെട്ട് തുടങ്ങും. രക്തം ദാനം ചെയ്ത സമയത്ത് നഷ്ടപ്പെട്ട അരുണരക്താണുക്കളുടെ സ്ഥാനത്ത് ഒന്ന് രണ്ട് മാസത്തിനുള്ളില്‍ പുതിയ അരുണരക്താണുക്കള്‍ രൂപമെടുക്കുകയും ചെയ്യും. ഇത്തരത്തില്‍ ഇടവേളകളിലായി പുതിയ രക്താണുക്കള്‍ രൂപപ്പെടുന്നത് ആരോഗ്യത്തോടെയിരിക്കാനും കൂടുതല്‍ ഊര്‍ജ്ജസ്വലതയോടെ പ്രവര്‍ത്തിക്കാനും സഹായിക്കുന്നു.
നിശ്ചിത ഇടവേളകളില്‍ രക്തം ദാനം ചെയ്യുന്നതിലൂടെ ദാതാവിന് ഹൃദയാരോഗ്യം സംരക്ഷിക്കാനാകും. രക്തത്തില്‍ ഇരുമ്പിന്റെ അംശം കൂടുന്നത് ഹൃദ്രോഗങ്ങള്‍ക്ക് ഇടയാക്കും, അതിനാല്‍ ആവശ്യമായ ഇരുമ്പിന്റെ അളവ് ക്രമപ്പെടുത്താന്‍ രക്തദാനത്തിലൂടെ സാധിക്കും. കൃത്യമായ ഇടവേളകളില്‍ രക്തം ദാനം ചെയ്യുന്നവരില്‍ പക്ഷാഘാതം ഉണ്ടാകാനുള്ള സാധ്യതയും കുറവാണ്. ഇരുമ്പ് അധികമാകുന്നത് രക്തം കട്ടയാകുന്നതിനും സ്വതന്ത്രറാഡിക്കലുകളുടെ നാശത്തിനും കാരണമാകുന്നു. രക്തസമ്മര്‍ദം, കുറയ്ക്കാനും രക്തദാനം സഹായിക്കുന്നു.
അര്‍ബുദം ശരീരത്തിന്റെ പലഭാഗങ്ങളേയും ബാധിക്കാവുന്ന രോഗമാണ്. എന്നാല്‍ രക്തദാനത്തിലൂടെ അര്‍ബുദസാധ്യതേയും കുറക്കാനാകുമെന്നാണ് ഡോക്ടര്‍മാര്‍ അഭിപ്രായപ്പെടുന്നത്.
No comments:
Post a Comment